कंगनामाथि चौतर्फी हमला, ब्वाइफ्रेन्ड कुटेकोदेखि 'काला जादु' सम्मको आरोप
केही महिनाअघि एक पत्रकार सम्मेलनमा आफ्नो एक ‘सिल्ली पूर्वप्रेमी’ले अरुको ध्यान खिच्नका लागि आफ्नो नाम उपयोग गरेको बताएपछि कंगनाको अहिलेको लफडा सुरु भएको मानिन्छ । उनले त्यो सिल्ली पूर्वप्रेमी भनेर ऋत्विक रोशनलाई भनेकी थिइन् । ऋत्विकको होम प्रोडक्सनका दुई फिल्म ‘काइट्स’ र ‘क्रिस ३’मा यी दुईले सँगै अभिनय गरेका थिए ।
कंगनाले ऋत्विक आफ्नो पूर्वप्रेमी भएको बताएपछि ऋत्विकले आफ्नो त्यस्तो कुनै सम्बन्ध नभएको बताएका थिए । उनले ट्विट गरेर ‘यस्तासँग भन्दा त बरु म पोपसँग सम्बन्ध बनाउँछु’ भनेका थिए । त्यसपछि यी दुवैले एकअर्कालाई कानुनी चेतावनीहरु पठाए । कंगनाले ऋत्विकलाई आफ्नो इमेल र फोटोहरु सार्वजनिक गरेको आरोप लगाइन् । तर, ऋत्विकले कंगनाले नै आफ्नो नामको नक्कली इमेल खोलेको आरोप लगाए ।
उनीहरुको आरोप प्रत्यारोप अन्त्यतिर पुगिरहेका बेला कंगनाका पूर्वप्रेमी अध्ययन सुमन नयाँ आरोपहरु लिएर बाहिर निस्किए । अभिनेता शेखर सुमनका छोरा अध्ययन एक–डेढ वर्ष कंगनासँग प्रेमसम्बन्धमा थिए । यी दुईले सँगै फिल्म पनि खेलेका थिए ।
डिएनए पत्रिकालाई दिएको अन्तर्वार्तामा अध्ययनले कंगनाले आफूलाई गाली गर्ने, पिट्नेदेखि ‘कालो जादु’को प्रयोग पनि आफूमाथि गरेको आरोप लगाएका छन् । उनले कंगनाका पहिलेका प्रेमी आदित्य पंचोलीले आफ्ना पितालाई फोन गरेर कंगना ‘साइको’ भएको बताएको भन्दै नभन्दै कंगनाले त्यस्तै व्यवहार देखाएको पनि बताएका छन् ।
आफ्नो फिल्मी करिअर नै कंगनाले समाप्त पारिदिएको पनि उनले बताएका छन् । ‘कंगना कहिले मलाई राति १२ बजे घरमा पुजा छ भनेर बोलाउँथिन् । उनको अपार्टमेन्टको एउटा कोठामा अनेकखाले मुर्तिहरु थिए । तिनलाई कालो कपडाले छोपेर राखिएको हुन्थ्यो,’ अध्ययनले बताएका छन्
0 comments
Write Down Your Responses